တောင်ပေါ်မှာ လမ်းပျောက်သွားတဲ့ ဝန်ထမ်း ၇ ယောက်အတွက် ခိုလှုစရာအိမ်ဟောင်းတစ်လုံးက ကယ်တင်ရာမဟုတ်ဘဲ လျှိဝှက်ချက်တွေ စတင်ပေါ်လာမယ့်နေရာ ဖြစ်နေခဲ့တယ်။ ပူပြင်းလွန်းတဲ့ နွေရာသီတစ်ခုမှာ ကုမ္ပဏီ Workshop အတွက် တောင်ပေါ်ကိုရောက်လာတဲ့ ဝန်ထမ်း ၇ ယောက်ဟာ မထင်မှတ်ဘဲ လမ်းပျောက်သွားကြပါတယ်။ ပြန်လမ်းရှာမတွေ့ဘဲ လှည့်လည်နေကြရင်း လူသူအရောက်အပေါက်နည်းတဲ့နေရာမှာ အိမ်ဟောင်းတစ်လုံးကို တွေ့ရှိခဲ့တာကြောင့် အဲဒီမှာ ခဏနားဖို ဆုံးဖြတ်လိုက်ကြပါတယ်။ ဒါပေမယ့် အိမ်ထဲမှာတော့ ဘယ်သူထားခဲ့မှန်းမသိတဲ့ အရက်ပုလင်းတွေ အများကြီးရှိနေခဲ့ပါတယ်။ အစပိုင်းမှာ သံသယရှိနေကြပေမယ့် တစ်ခွက်ပြီးတစ်ခွက် သောက်လာကြရင်း သတိထားဆင်ခြင်နိုင်စွမ်းတွေ တဖြည်းဖြည်းလျော့နည်းလာပြီး တစ်ယောက်နဲ့တစ်ယောက် ဖုံးကွယ်ထားခဲ့တဲ့ စကားတွေ၊ လျှိဝှက်ချက်တွေနဲ့ အတွင်းစိတ်တွေပါ ပေါ်ထွက်လာပါတော့တယ်။ တောင်ပေါ်အိမ်ဟောင်းတစ်လုံးထဲ ပိတ်မိနေတဲ့ လူ ၇ ယောက်ကြားမှာ ဖုံးကွယ်ထားခဲ့တဲ့ လျှိဝှက်ချက်တွေ၊ အတွင်းစိတ်ဆန္ဒတွေနဲ့ ၊ ဘယ်လိုမှမမျှော်လင့်ထားတဲ့ အဖြစ်အပျက်တွေ ဖြစ်လာမလဲဆိုတာကို လိုက်ဖတ်ရမယ့် Mystery Drama ဇာတ်လမ်းပါ။